Tuesday, 24 September 2019



ಕೆಸರಲ್ಲೊಂದು ಬಿಂಬ ಮೂಡಿದೆ,
ಮುಗಿದ ಮಳೆಯ ಕುರುಹಂತೆ,

ಇಷ್ಟು ದಿನ ತೆಂಗು ಗರಿಗಳು,
ಗಾಳಿ ಮಾತಿಗೆ ತಲೆದೂಗುತ್ತಿದ್ದವು,
ಆದರೆ ವಾರದಿಂದ ಸುರಿದ ಮಳೆಗೆ
ಬದುಕು ಮೆಲ್ಲಗೆ ಬದಲಾಗಿದೆ,
ಗರಿಗಳೀಗ ನೀರ ಮಾತು ಕೇಳುತ್ತಿವೆ. . .

ನೀರ ತರಂಗಗಳಿಗೆ ಅನಿವಾರ್ಯತೆ,
ಬಿದ್ದ ಹನಿಗಳ ಮಾತಿಗೆ ಮಣಿಯಲೇಬೇಕು,
ಪ್ರತಿಬಿಂಬದ ಬದುಕು ಅಷ್ಟೇ ತಾನೇ?
ನೀರಿಗೆ ಅಂಟಿಕೊಂಡೇ ಬದುಕಬೇಕು. . .

ಬಿಂಬಗಳ ಈ ಕಲ್ಪನಾ ಲೋಕಕ್ಕೆ,
ನೀರೇ ಅನಭಿಷಿಕ್ತ ದೊರೆಯಂತೆ,
ಮೂಡುತಿಹ ದೃಶ್ಯ ಚಿತ್ತಾರಗಳಿಗೆ
ಬೆಳಕೇ ಜೀವಂತ ತೆರೆಯಂತೆ,

ಮೋಡಗಳ ಮರೆಯಿಂದ
ಕಿರಣವೊಂದು ಇಣುಕಿದರೆ ಸಾಕು,
ಕಲ್ಪನಾ ಜಗತ್ತು ಕರಗಿ ಹೋಗಲು,
ಕನಸ ನೌಕೆಯೊಂದು ಕಡಲ ಸೇರಲು!

ಆದರೇನಂತೆ,
ಕೆಸರಲ್ಲೊಂದು ಜೀವ ನುಡಿದಿದೆ,
ನಿಲ್ಲದ ಮಳೆಯ ಸ್ವರದಂತೆ!

                  --------ಆದರ್ಶ

Monday, 23 July 2018

ರೆಕ್ಕೆಯಿದ್ದರೆ ಸಾಕೇ?




ಚಿಟ್ಟೆಯಂತೆ ಹಾರಬಹುದು,
ತೆರೆದ ಮುಗಿಲೊಂದು ಬೇಕು,
ನಾಲ್ಕೇ ರೆಕ್ಕೆಗಳು ಸಾಕು!

ಆಗೊಮ್ಮೆ ಈಗೊಮ್ಮೆ ಗಾಳಿ ಬೀಸೀತು
ನೋಡ ನೋಡುತ್ತಲೇ ದಿಕ್ಕೂ ತಪ್ಪೀತು,
ಆದರೇನಂತೆ? ಬೀಳುವ ಭಯವಿಲ್ಲ
ನದಿಯ ನೀರಂತೆ ಚಲಿಸಬೇಕು

ದಟ್ಟ ಅಡವಿಗಳ, ಗದ್ದಲದ ನಗರಗಳ,
ಮಾತು ಕೇಳುತ್ತ  ನದಿ ಸಾಗುತ್ತದೆ. 
ಕಡಲ ಸೇರುವ ಗುರಿಯಲ್ಲ ಅದಕೆ,
ಜಗವ ನೋಡುವ ಅತೀವ ಬಯಕೆ!

ನದಿಯಾಗಲೇ? ಚಿಟ್ಟೆಯಾಗಲೇ?
ರೂಪಾಂತರಕ್ಕೆ ಒಗ್ಗಬಲ್ಲೆನೇ?
ಪ್ರಶ್ನೆಗಳಿಗೆ ಪ್ರಶ್ನೆಗಳು ಹುಟ್ಟಿ,
ಅವೇ ನದಿಯಾಗುವ ಸೂಚನೆ ನೀಡುತ್ತಿವೆ!

ನೋಡ ನೋಡುತ್ತಲೇ ಚಿಟ್ಟೆಯಾದೆ ನಾ!
ಮೋಡ ಕರಗುವ ಮುನ್ನ,
ಮುಗಿಲ ಸೇರಲು ಸಾಧ್ಯವೇ?
ಮಳೆ ಬಂದರೇನು? ಹಸಿರೆಲೆಯ ಚಪ್ಪರವಿದೆ!

ಹರಿವ ನದಿಯಾಗಿದ್ದರೆ ,
ಒದ್ದೆಯಾದ ರೆಕ್ಕೆಗಳ ಗೋಜಲು ಇಲ್ಲ .
ಬೀಳೋ ಹನಿಗಳ ಬಿಸಿಏಟೂ ಇಲ್ಲ ,
ಮಳೆಯಲ್ಲಿ ಮೈದುಂಬಿ ಹರಿಯಬಹುದಿತ್ತು!

ಮತ್ತದೇ ಗೊಂದಲ,
ನದಿಯಾಗಲೇ?
ಸಾಗಲು ಹಾದಿಯೊಂದು ಬೇಕು!
ಬಳುಕೋ ಮೈಯಷ್ಟು ಸಾಕು!


- ಆದರ್ಶ 

Tuesday, 15 May 2018

Malleshwaram diaries!




ಆಭರಣಗಳ ಬಣ್ಣ ಮಾಸಬಹುದು.
ಆದರೆ ಬದುಕಿನ ಬಣ್ಣ ಮಾಸೀತೆ? 

ನಗರದ ನಡುವಲ್ಲೊಂದು ಜೀವ,
ಕಾಲಘಟ್ಟಗಳ ಮೀರಿ ನಿಲ್ಲುವುದು ,
ಬಿದ್ದ ಮಳೆಗೆ, ಬದುಕೂ ಗೊತ್ತಿಲ್ಲ,
ಕದ್ದ ಕವಿತೆಯಲಿ, ಭಾವ ಸತ್ತಿಲ್ಲ!

ಇಳಿಸಂಜೆಗೊಂದು ಕನಸು,
ಸಜ್ಜಾಗಿ ಬೀದಿಗೆ ಇಳಿಯುವುದು,
ತುಳಿದ ಹೆಜ್ಜೆಗಳೆಷ್ಟೋ!
ಹಾದು ಹೋದ ಚಕ್ರಗಳೆಷ್ಟೋ!

ಎಲ್ಲವನ್ನು ಒಡಲಿನಾಳಕ್ಕೆ ನೂಕಿ,
ಸಮಯ ಚಲಿಸುವಂತೆ ತೋರುತ್ತದೆ,
ಹಳೆಯ ಗಾಯಗಳನ್ನೆಲ್ಲ ಮರೆತು,
ನಗರ ಕಿರುನಗೆಯೊಂದ ಬೀರುತ್ತದೆ!

ಎಲ್ಲಿ ಹೋಯಿತೇನೋ ಆ ಕನಸು!
ಮಳೆಯೊಂದು ಬಂದು ಹೋಗಿದೆ!
ಈಗಂತೂ ಎಲ್ಲೆಲ್ಲೂ ಮಣ್ಣ ಘಮಲು!
ತಿಳಿದ ದಾರಿಯಲ್ಲೂ ನೂರೆಂಟು ಕವಲು!

Wednesday, 9 May 2018

Web of life. . .



ಹರಡಿದ ಮರಳ ಮೇಲೆ ಸತ್ತ ಮೀನುಗಳು. ಅಲ್ಲೇ ಒಂದು ಬದುಕು ಅರಳುತ್ತದೆ. ಸುಡುವ ಬಿಸಿಲಿಗೆ ಕಡಲ ತಳ ಸೇರಿ ನಲಿಯುತ್ತಿದ್ದ ಪುಟ್ಟ ಜೀವಗಳೆಲ್ಲ ಈಗ ಕಾದ ಮರಳ ಮೇಲೆ ಬಿದ್ದಿವೆ. ದಡಕ್ಕೆ ತಾಕುವ ಅಲೆಗಳು ಮೀನ ದೇಹವನ್ನೂ, ಮೀನುಗಾರನ ಅಂಗಾಲನ್ನೂ ಸ್ಪರ್ಶಿಸುತ್ತವೆ. ಜೀವ ತಂತು ಮಾತ್ರ ಒಂದೇ ಕಡೆ ಕಂಪಿಸುತ್ತದೆ. ಸೂರ್ಯ ನೆತ್ತಿಗೇರಿದಂತೆಲ್ಲ, ನೆರಳು ಕಿರಿದಾಗುವಂತೆ ತೋರುತ್ತದೆ. ಅರಸಿ ಬಂದ ಮುಗಿಲ ಹಕ್ಕಿ, ದಿಕ್ಕು ದೆಸೆಯಿಲ್ಲದಂತೆ ಹಾರುತ್ತದೆ. .

Thursday, 12 April 2018

ನಗೆಯ ಹಾಯಿದೋಣಿ. . .



                 
                          ಭೋರ್ಗರೆಯುವ ಅಲೆಗಳು. ನೋಡು, ನೋಡಲ್ಲಿ, ದೋಣಿಯೊಂದು ಸಾಗುತಿದೆ. ನೀಲ ನಭಕೂ, ನೀಲಿ ಕಡಲಿಗೂ ಇಲ್ಲಿ ಕಾಣದೊಂದು ಅಂತರ. ಬಿಸಿಲ ಬೇಗೆ ಎಷ್ಟಿದ್ದರೇನು? ದೂರ ತೀರವೊಂದಿದೆಯಲ್ಲ.  ಕಾಣದಿದ್ದರೇನಂತೆ? ಚಾಚಿದ ಮುಗಿಲ ಹಾರೈಕೆಯಿಹುದಲ್ಲ.  ಕಡಲ ದಾಟುವ ಕಾತರತೆಯಿಹುದಲ್ಲ. ಬೆಳಕಿರುವಾಗಷ್ಟೇ ಬದುಕಲ್ಲ! ಕಡಲಿರುವಷ್ಟೇ ಮುಗಿಲಲ್ಲ!

Tuesday, 20 March 2018

ಒಂಟಿ ಹಕ್ಕಿಯ ಹಾಡು. . .



ಒಂಟಿ ಹಕ್ಕಿಯ ಹಾಡು,
ಕೇಳುವವರಾರಿಹರು?
ಅಲ್ಲೆಲ್ಲೋ  ಕುಳಿತವರೋ?
ಇನ್ನೆಲ್ಲೋ ಮರೆಯಾದವರೋ?

ಇನ್ನೇನು, ಸ್ವಲ್ಪ ಸಮಯಕ್ಕೆ,
ಕುಳಿತ ಹಕ್ಕಿಯೂ ಮರೆಯಾಗುತ್ತದೆ,
ಅಂತೆಯೇ, ಅದರ ಹಾಡೂ ಕೂಡ!
ಆಲಿಸಲು ಕಿವಿಗಳೇಕೆ ಬೇಕು?

ಇಲ್ಲಿ, ಹಕ್ಕಿಗಳು ಮುಗಿಲು ತೊರೆಯುತ್ತವೆ ,
ಮಂದಿ ಮುಗಿಲು ಮುಟ್ಟುತ್ತಾರೆ,
ಕನಸುಗಳ ರೆಕ್ಕೆ ಜ್ವಲಿಸುತ್ತದೆ,
ಹಾಡೊಂದು ಮೆಲ್ಲಗೆ ಚಲಿಸುತ್ತದೆ!

ಆ ಹಾಡ ಹೆಜ್ಜೆ ಹಿಡಿದು ಸಾಗು,
ಬಿದ್ದ ರೆಕ್ಕೆಗಳೂ ಕಾಣಬಹುದು,
ಕದ್ದ ಕವಿತೆಗಳೂ ಕಾಣಬಹುದು!
ಸದ್ದು ಮಾಡಬೇಡ, ಹಕ್ಕಿ ಹಾರೀತು!

 -------------- ಆದಿ

Thursday, 8 March 2018

ಇಳಿಸಂಜೆಯ ತಳಿರು. . .!


                           ಬರಿದಾಗಿಲ್ಲ ಮಾತುಗಳು,  ಸರಿದಿಲ್ಲ ಬೆಳಕ ತೆರೆ! ಹಸಿರು ಮನೆಯಲ್ಲಿ , ನೆರಳು ನಗುವುದು, ತಳಿರು ತೂಗುವುದು, ಕಲ್ಲು ಬೆಂಚುಗಳಲ್ಲಿ ಗುರುತು ಮೂಡಿಲ್ಲ, ಎದೆಯ ಹಾದಿಯಲ್ಲೇಕೆ ಹೆಜ್ಜೆ ಗುರುತು? ದಶಕಗಳು ಕ್ಷಣಗಳಾಗಿ ನೆನಪ ಸೇರಿದವು.  ಸಾಗಿ ಬಂದ ಹಾದಿಯ ಹೂಗಳ ಕೇಳು. ಹೊಸ ಹಾಡೊಂದ ಬರೆಯಲು ಪದಗಳ ನೀಡುವಿರಾ? ಘಮಿಸಿದರೆ ಅದುವೇ ಸಾಹಿತ್ಯ! ರಮಿಸಿದರೆ, ಅದುವೇ ಸಾಂಗತ್ಯ. 

Monday, 19 February 2018

ತೇಜೋಮಯ. . .



ಬೆಳಕೊಂದು ಸೋಜಿಗ. ಪ್ರತಿಫಲಿಸಿದಂತೆಲ್ಲ ವಿವಿಧ ರೂಪ ಪಡೆಯಬಲ್ಲದು. ಇಲ್ಲಿ ರವಿಗೂ ಆಯಸ್ಸಿದೆ. ಆ ಮಹಾನಕ್ಷತ್ರವು ಪತನದತ್ತ ಸಾಗುತ್ತಿದೆ. ಸಹಸ್ರ ಕೋಟಿ ಸೌರಮಂಡಲಗಳಿರುವ ನಮ್ಮ "ಹಾಲು ಹಾದಿಯಲ್ಲಿ" ಎಲ್ಲೆಲ್ಲಿ ಜೀವ ವೈವಿಧ್ಯವೋ, . ಬೆಳಕು ಚಲಿಸಿದಲ್ಲೆಲ್ಲ ಬದುಕು. ಬೆಳಕು ಜ್ವಲಿಸಿದಲ್ಲೆಲ್ಲ ಪತನ. ಪುಟ್ಟ ಜೀವಿಯ, ಪುಟ್ಟ ಮನೆಯೊಂದು, ಬೆಳಕಿನ ಕಿರಣಗಳಿಗೆ ಸ್ಪಂದಿಸುತ್ತದೆ. ಇಲ್ಲಿ ಬೆಳಕಿಗೆ ರೂಪಾಂತರ. ಬದುಕಿಗೆ ಹೊಸ ಮನ್ವಂತರ. . .

Wednesday, 31 January 2018

ತೇರ ಏರಿ ಅಂಬರದಾಗೇ. . .



                         ಮೂಡಣದಲ್ಲಿ ಹಣತೆಯೊಂದು ಬೆಳಗುವ ಸಮಯ. ಇರುಳು ಸುಮ್ಮನೆ ಹಿಂದೆ ಸರಿಯುತ್ತದೆ. ದೀಪ ತಂತಾನೆ ಹೊತ್ತಿ ಉರಿಯುತ್ತದೆ. ಇದು ಮುಗಿಲು ರಂಗೇರುವ ಸಮಯ.  ಆಗಲೇ ಸಾಯಬೇಕಿದ್ದ ಒಣಗಿದ ಹುಲ್ಲು ಕಡ್ಡಿಯೊಂದು ಕತ್ತೆತ್ತಿ ನೋಡುತ್ತದೆ, ಬೆಳಕಿಗೆ ತಲೆ ಬಾಗುತ್ತದೆ. ಕಾಲಚಕ್ರಕ್ಕೆ  ಸಿಲುಕಿ  ಬೆಳ್ಳಿರಥವೊಂದು ತನ್ನ ವೇಗ ಬದಲಿಸುತ್ತದೆ. ಹಕ್ಕಿಯೊಂದು  ಹಾಡುತ್ತದೆ. ನೆನಪೊಂದು ಕಾಡುತ್ತದೆ. ಮೇಣ ಕರಗುವ ಮುನ್ನ, ಸೊಡರು ದೀಪವೊಂದು ಜಗವೆ ಬೆರಗಾಗುವಷ್ಟು ಬೆಳಕ ನೀಡುತ್ತದೆ.

Friday, 26 January 2018

Surreal sunrise. . .

Rise. . . 
                     It is not always about sunrise. It is about hope. It is about the liveliness brought by the glimpse of Sunlight. Life blooms in the presence of divine light, hoping to sustain forever. It is not always about focus. It is about symbolism. It is about happiness brought by the essence of Golden light. Sunlight diffuses in the presence of the wide open sky to shine forever. . .

Wednesday, 13 December 2017

ಹೆಜ್ಜೆ ಮೂಡದ ಹಾದಿ. . .



                            ಬಾ ಜೊತೆಗೆ ಸಾಗೋಣ, ಒಂದಷ್ಟು ಗಾವುದ. ಮಾತು ಮಾತುಗಳಲಿ ಮೌನವೆಂಬುದ ಮರೆತು. ಮೂಡದಿರಲಿ  ಹೆಜ್ಜೆಯ ಗುರುತು, ಬಳಸಿ ಬಂದಾರು ಹತ್ತಾರು ಮಂದಿ. ಅಂಟದಿರಲಿ ಹಾಸಿದ ಹೂವಿನ ಬಣ್ಣ, ನೆನಪುಗಳು ಎಂದಿಗೂ ತಿಳಿನೀರ ಬಿಂಬದಂತೆ.  ಸಾಗಿ ಬಂದ ತಿರುವುಗಳೇ, ಬದುಕಿನ ರೋಚಕತೆಯ ಮೂಲ. ತೀರದ ದಾಹಕೂ, ಇಲ್ಲ ಸಲ್ಲದ ಮೋಹಕೂ - ತಿರುಗಿ ನೋಡಲೊಲ್ಲದು ಕಾಲ. . . 

Tuesday, 5 December 2017

ಹೆಜ್ಜೆ ಬೆಸೆದು. . .





                         ಹೆಜ್ಜೆಯೊಡನೆ ಹೆಜ್ಜೆಯಿಡು, ಕರೆದೊಯ್ಯುವೆ ಬದುಕ ಪಥದಲ್ಲಿ. ಗೆಜ್ಜೆ ಸದ್ದು ಕೇಳದಂತೆ, ಮೆಲ್ಲ ಮೆಲ್ಲಗೆ ಸಾಗುವ - ಗದ್ದಲಕೆ ಮೌನ ಮುರಿದೀತು.  ಉದುರಿದ ಎಲೆಗಳೇ ಇಲ್ಲಿ ಹೂವ ಹಾದಿಯಂತೆ. ತಣ್ಣನೆ ಗಾಳಿಗೆ ಮೌನ ಮಾತಾದೀತು. ನಿಂತ ಮರವೊಂದು ದೃಷ್ಟಿ ತೆಗೆದೀತು. ಸೃಷ್ಟಿಯ ಸೋಜಿಗಕೆ ಯಾವ ಒಲವಿನ ಹಂಗು? ಅದು ಎಲ್ಲದಕ್ಕೂ ಎತ್ತರ. ನೀಡದೆಂದಿಗೂ ಉತ್ತರ. ಮೆಲ್ಲಗೆ ಆಲಿಸುವೆಯಾ, ಇಲ್ಲಿ ಇಂಚರವೂ ಹಾಡಾದೀತು.


Tuesday, 28 November 2017

ಕಸದ ರಾಶಿಯಲೊಂದು ಕುಸುಮ. . .


                        ಕಸದ ರಾಶಿಯಿಂದ ಕುಸುಮವೊಂದು ಇಣುಕಿದೆ. ಮಿಣುಕು ದೀಪದ ತುಣುಕೊಂದು ಇರುಳ ಛೇದಿಸಿ ಬೆಳಗಿದಂತೆ. ಕ್ಷಣ ಕ್ಷಣವೂ ಇಲ್ಲಿ ಅಸ್ಥಿತ್ವಕ್ಕೆ ಹೋರಾಟ.  ಜೊತೆಗಿದ್ಕ ಬಳಗ ಕಸದ ನಡುವೆಲ್ಲೋ ಕಳೆದು ಹೋಗಿದೆ.  ಕತ್ತೆತ್ತಿ ನೋಡಿರೆ ಸುತ್ತಲೂ ಹೆಜ್ಜೆಗಳ ಕರ್ಕಶ ಸದ್ದು. ಎದೆಯಲ್ಲಿ ತುಳಿತಕ್ಕಿ ಸಿಕ್ಗುವ ಭಯ. ಬೀಸಿದ ಗಾಳಿಗೆ ಮುಗಿಬಿದ್ದ ಎಲೆಯೊಂದು ಹೂವ ಕಣ್ಣ ಮುಚ್ಚಿತು. ಹೊತ್ತು ಮುಳುಗುವ ಮುನ್ನವೇ ಸುತ್ತೆಲ್ಲ ಅಂಧಕಾರ. ಮತ್ತೆ ಗಾಳಿ ಬೀಸಲಿ ಎಂಬ ಸಣ್ಣ ಹಂಬಲ.  ಆಗೋ ನೋಡು. ಬೀಸಿತು ಗಾಳಿ. ನಕ್ಕಿತು ಹೂವು, ಕಾರಣವಾ ನೀವೇ ಕೇಳಿ. . . !

Tuesday, 21 November 2017

ಹುದುಗಿ ಹೋಗದಿರಲಿ . . .

Dissolving memories. . .
           
                     ಹುದುಗಿ ಹೋಗದಿರಲಿ ಕನಸುಗಳು. ನಿಂತ ನೀರಿನಲ್ಲಿ ಮೂಡುವ ಕನಸಂತೆ ಬಿಂಬಗಳು. ಒಮ್ಮೆ ಹಸಿರಾಗಿ, ಮತ್ತೊಮ್ಮೆ ಮೊಬ್ಬಾಗಿ ನಿಧಾನ ಗತಿಯಲ್ಲಿ ಮರೆಯಾಗುತ್ತವೆ. ಮರೆಯಾಗುವ ಮುನ್ನ, ನೆನಪಾಗಬೇಕು. ಬೆಳಕಾಗಬೇಕು, ಬದುಕಾಗಬೇಕು. ಉಳಿದಿರುವ ಕ್ಷಣಗಳು ಹೆಚ್ಚಿಲ್ಲ. ಪಾರದರ್ಶಕ ನಿಲುವುಗಳನ್ನು ಮನಸ್ಸು ಎಂದಿಗೂ ಮುಚ್ಚಿಲ್ಲ. ಅಚ್ಚಳಿಯದೆ ಅಚ್ಚಾಗಲಿ, ಹಚ್ಚಿದ ಕಿಚ್ಚಲಿಹ ಮೆಚ್ಚಿನ ನೆನಪುಗಳ ಗುಚ್ಛ.

Thursday, 9 November 2017

Buildings, Bridge, Budapest & Blue. . .


                    ನೀಲ ನೀಲ ಗಗನ, ಕೈ ಚಾಚಿದಷ್ಟು ಹಬ್ಬುತಿದೆ.  ಹತ್ತು ದೇಶಗಳಲ್ಲಿ ಹರಿವ ದಾನುಬೆ ನದಿಗೆ, ಇಲ್ಲೊಂದು ಸೇತುವೆ ಕಟ್ಟಲಾಗಿದೆ. ೧೬೮ ವರ್ಷಗಳಿಂದ ಆ ಸೇತುವೆ ಕದಲದೆ ನಿಂತಿದೆ. ಮುಗಿಲಿಗೇನಂತೆ? ಬಣ್ಣಗಳ ಬದಲಿಸುತ್ತ ಬದುಕುತ್ತದೆ. ಮೋಡಗಳೋ, ಮನಸ್ಸಿಗೆ ಬಂದಂತೆ ಚಲಿಸುತ್ತವೆ. ಆದರೆ, ನದಿಯ ನಡುವೆ ನೆಲೆಯೂರಿ ನಿಂತ ಸೇತುವೆಗೆ, ತನ್ನದೇ ಆದ ಜವಾಬ್ಧಾರಿ. ಕದಲದೆ, ಬಣ್ಣ ಬದಲಿಸದೆ, ಬಿದ್ದ ಮಳೆಗೂ ಮಂಜಿಗೂ ನಡುಗಡೆ, ದೃಢವಾಗಿ ನಿಲ್ಲಬೇಕು. ಪಯಣಿಗನ ಮನ ಗೆಲ್ಲಬೇಕು. . .

Tuesday, 31 October 2017

ಸುಪ್ತ ಜಗತ್ತು. . .



            ಅಲ್ಲೊಂದು ಗಾಜಿನ ಮನೆಯಿದೆ.  ಒಳಗೆ ಕಾಲಿಟ್ಟರೆ ಅದೊಂದು ವಿಸ್ಮಯ ಲೋಕ . ಕಲಾವಿದರಿಗೆ ಸಗ್ಗವೀಡು.  ಸಹಸ್ರ ಕುಂಚಗಳ ಬಣ್ಣ ಅಲ್ಲಿ ಕರಗಿ ಹೋಗಿದೆ.  ಬಂದು ಹೋದ ಹೆಜ್ಜೆಗಳ ಲೆಕ್ಕವೂ ಸಿಗಲಿಲ್ಲ. ಘಟಾನುಘಟಿ ಕಲಾವಿದರೆಲ್ಲ ಕುರುಹ ಬಿಟ್ಟು ಹೋದರು. ಆದರೇನಂತೆ?  ಹೊರಗಿನ ಅಂಗಳದಲ್ಲಿ ಕುಳಿತ ಹಕ್ಕಿಗೆ ಯಾವುದೇ ಪರಿವಿಲ್ಲ. ಅದು ತನ್ನದೇ ಜಗದಲ್ಲಿ ತಲ್ಲೀನ. ಬಿಸಿಲು ಬಿದ್ದರೇನು. ಮಳೆ ಸುರಿದರೇನು. ರೆಕ್ಕೆ ಬಿಚ್ಚಿದರೆ, ಕಾಲ ಚಕ್ರಗಳೇ ಒಮ್ಮೆ ನಿಂತಾವು ( ಹಕ್ಕಿಯ ಸುಪ್ತ ಜಗದಲ್ಲಿ).

Thursday, 26 October 2017

From life to lifeless



ನಗರದ ಹಕ್ಕಿಯ ದಿಟ್ಟ ನೋಟ, 
ಸುತ್ತ ಹನಿಗಳ ಸುಪ್ತ ಸಂಘರ್ಷ,
ಕಳೆದುಹೋದ ಇಂಚರಕೆ ಜೀವ ಬಂದೀತೆ?
ಕಲ್ಲುಗಳ ಕಹಳೆಯದು ಹುರುಪು ತಂದೀತೇ?

ಮೌನ ಸಮ್ಮೇಳನಕೆ, ತೊರೆದ ನೆನಪುಗಳ ಕಾವಲು,
ಬಿರಿಯಬೇಕಿದೆ, ಅಂತರಗಳ ತಂದಿರುವ ಬಾಗಿಲು..

In a dream land. . .



                   Church in the small island of Bled lake is considered as famous place in Slovenia for weddings. It is considered good luck for the groom to carry his bride up the 99 steps on the day of their wedding, before ringing the bell and making a wish inside the church. Boats approaching the church on a Sunday morning seen through the lens. . . 

Wednesday, 25 October 2017

ಬಿಸಿಲ ಪಿಸುಮಾತು. . .




"ಬಿರು ಬಿಸಿಲಿದೆ. ಹಾಸಿದಂತೆ ಹಸಿರಿದೆ. ಮಾತಿಗೆ ಕುಳಿತರೆ, ಮುಸ್ಸಂಜೆಯಾದೀತು, ಇರುಳೂ ಕವಿದೀತು. ಪಿಸುಮಾತಿನಲಿ, ತುಸು ಹೊತ್ತು ಕಳೆಯೋಣ. ನೆರಳೂ ಒಮ್ಮೆ ಬೆಳಕ ಸವಿದೀತು. ಕಟ್ಟಡ ಕದಲದೆ ನಿಂತಿದೆ. ಕಿಟಕಿಯಾಚೆಯಿಂದ ಕಣ್ಣುಗಳು ಇಣುಕಿವೆ. ಪ್ರಜ್ಞೆ ಬೇಕೇನು? ಪದಗಳಿಗೆ ಮಾಧುರ್ಯದ ಅಲಂಕಾರ ತೊಡಿಸಲು? ಮಾತು ಮಾತಿನಲ್ಲಿ ಒಲವ ಸಮೀಕರಣಗಳ ಬಿಡಿಸಲು?"

Note: Photo taken near Homme Museum, Paris. A couple in conversation. . . 

Tuesday, 17 October 2017

City of lights - Paris. . .



                  Being beautifully illuminated by light isn’t the reason behind the name “city of lights”. Paris was the first European country to adapt gas street lighting. From the top of Eiffel tower, city looks as if it is illuminated by lights. Trials of light, different ranges of illumination and vivid colors combine to give an infinite effect. One such sky view, captured with 15 second exposure