ಒಂಟಿ ಹಕ್ಕಿಯ ಹಾಡು,
ಕೇಳುವವರಾರಿಹರು?
ಅಲ್ಲೆಲ್ಲೋ ಕುಳಿತವರೋ?
ಇನ್ನೆಲ್ಲೋ
ಮರೆಯಾದವರೋ?
ಇನ್ನೇನು,
ಸ್ವಲ್ಪ ಸಮಯಕ್ಕೆ,
ಕುಳಿತ ಹಕ್ಕಿಯೂ ಮರೆಯಾಗುತ್ತದೆ,
ಅಂತೆಯೇ,
ಅದರ ಹಾಡೂ ಕೂಡ!
ಆಲಿಸಲು
ಕಿವಿಗಳೇಕೆ ಬೇಕು?
ಇಲ್ಲಿ,
ಹಕ್ಕಿಗಳು ಮುಗಿಲು ತೊರೆಯುತ್ತವೆ ,
ಮಂದಿ ಮುಗಿಲು ಮುಟ್ಟುತ್ತಾರೆ,
ಕನಸುಗಳ
ರೆಕ್ಕೆ ಜ್ವಲಿಸುತ್ತದೆ,
ಹಾಡೊಂದು
ಮೆಲ್ಲಗೆ ಚಲಿಸುತ್ತದೆ!
ಆ ಹಾಡ ಹೆಜ್ಜೆ ಹಿಡಿದು
ಸಾಗು,
ಬಿದ್ದ ರೆಕ್ಕೆಗಳೂ ಕಾಣಬಹುದು,
ಕದ್ದ ಕವಿತೆಗಳೂ ಕಾಣಬಹುದು!
ಸದ್ದು ಮಾಡಬೇಡ, ಹಕ್ಕಿ ಹಾರೀತು!
-------------- ಆದಿ
No comments:
Post a Comment